काठमाडौंको बुद्धनगरमा एक व्यक्तिले आत्मदाहको प्रयास गरेका छन् । काठमाडौं–१० बुद्धनगरमा डेरा गरी बस्ने ४५ वर्षीय अश्विन राउतले शनिबार बिहान शरीरमा आगो लगाएर आत्मदाहको प्रयास गरेको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।
उनले शनिबार विहान ६ बजेतिर भान्सा कोठामा आफ्नो शरीरमा आगो लगाएको पाइएको प्रहरीले जनाएको छ । राउतको वीर अस्पतालमा उपचार भइरहेको एसपी भट्टराईले जानकारी दिएका छन् । घटनाबारे प्रहरीले थप अनुसन्धान अगाडि बढाएको छ ।
यसअघि बिहीबार मात्रै काठमाडौंको त्रिपुरेश्वरमा आत्मदाह गरेका गणेश नेपालीको उपचारको क्रममा शुक्रबार वीर अस्पतालमा उपचारकै क्रममा मृत्यु भएको थियो । यसै गरी शुक्रबार नै सर्लाहीका विवेक मण्डलले आत्मदाहको प्रयास गरेका थिए । उनलाई हेलिकप्टरबाट उद्धार गरी उपचारका लागि हिजै काठमाडौँ ल्याइएको छ ।
